Google ADS

Taksë 10 euro për të hyrë në Prishtinë, Shpend Ahmeti ia “vjedhë” idenë Orhanit

10:11 | 20 Tetor 2020
A. B.

Ideja për taksë prej 10 eurosh për të hyrë në qendër të Prishtinës, ishte përmendur vite më parë në një serial vendor.

Humoristët e serialit “Kafeneja Jonë”, Fatmir Spahiu dhe Naser Rafuna vite më parë si me sarkazmë e kanë propozuar taksën prej 10 eurosh për personat e qyteteve tjera të Kosovës, shkruan portali arbresh.info

“Unë propozoj që secili njeri që hyn në Prishtinë, të paguajë taksë komunale 10 euro”, kishte thënë Fatmir Spahiu që në serial e kishte rolin e Orhanit.

Ditëve të fundit, nënkryetari i komunës së Prishtinës, Selim Pacolli, ka deklaruar nëpër media se askujt nuk iu mohohet e drejta për të hyrë me veturë brenda Prishtinës, por se për ta shfrytëzuar këtë të drejtë duhet të paguhet taksa e gjelbër.

Tutje Selimi tha se taksa është planifikuar të jetë 10 euro, ani pse ende vendim përfundimtar nuk kanë marrë. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm